Mancarone: GERMANO MOSCONI (San Bonifacio, 1932-2012)

Stirpe dorata della blasfemia sentita e appassionata nata in seno ad un paese disseminato di abbazie e riferimenti religiosi, così come quel fiore che sboccia fulgido sotto il guard-rail dell’A4 uscita Soave-San Bonifacio. Incurante, inarrestabile, Germano Mosconi è il simbolo postumo del Veneto giusto e del giornalismo da TV locale che raccontava le prodezze dell’Hellas Verona di Bagnoli prima ancora che l’ultrà Marcone nascesse ed iniziasse a comparire nudo e col cazzo di fuori in ogni telecamera a circuito chiuso degli autogrill italiani e della digos durante le trasferte. Mai in tutta la mia vita e nelle mie frequentazioni ho incontrato qualcuno che fosse in grado di bestemmiare il Signore con un fastidio così vissuto e contagioso restituendo la giusta teatralità e cattiveria ad un gesto naturale come la blasfemìa gridata. Germano, di cui esistono solamente screenshot sgranati e di almeno vent’anni fa (come per Bisignani) ha permesso a noi veneti di rimettere la testa avanti nella classifica nazionale dell’offesa a Cristo: grazie a lui i Toscani sono solo un riflesso nello specchietto retrovisore.
Nessun remix, nessun doppiaggio, nessun fotomontaggio fatto da qualche dodicenne di Bolzano o altri posti sfigati hanno mai strappato un sorriso o restituito orgoglio come quel video originale comparso qualche tempo fa, di cui ancora io non riesco ad essere stanco. Rapidità di esecuzione, aggressività, fastidio, il flow articolato anche coi denti stretti, il riflesso sugli occhiali, il PUGNO CHIUSO E AGITATO: il Bruno Pizzul dell’offesa ai Santi tutti.
Germano no sta fare el mona, anca sa tiè morto ciapai par el colo tutti chei quatro basapile (mio padre per sms)

Germano iera l’ultimo vero scetico in tera veneta, che nonostante tute le biasteme che tiremo zò l’è piena de cesaroli infami e de personagi che el sabo sira iè a troie e la domenega i te domanda sà tiè nda a messa. Germano el gheva sempre chiaro el colpevole, el mandante occulto, l’eminensa grigia che causa l’imprevisto all’omo comune: GESU’ CRISTO e no nexuno come che i voria farne credere. E alora, a uno che te causa un imprevisto e che i ne dixe che l’esiste bisogna dirghe sù e dirghene tante e ancora de più perchè non podemo ciaparlo per el colo e darghe dei calsi in testa: el Conte Mosconi in questo iera el Corrado Augias dela biastema, uno che el podeva dirne diesemila pur mantenendo l’elegansa dell’omo onesto e posato, elegante a so modo.

DIME CAN, MA NO ITALIAN #4: Violenza Psicologica

Ahem, xè rivà el Nadae* e no go voia de scoltar le solite canson che se scolta metendose indosso el maion coi cervi e le renne. Semo su Bastonate e qua non esiste el Nadae, semo persone brutte, tristi e messe mae sopratuto in testa. Ecco, se esistesse na seria ricerca scientifica su cossa pol causare disturbi da stress postraumatico, come queo dei soldati o delle vacche che no e riesse più a far el latte, so sicuro che gran parte dea colpa podria essere del Nadae e de tutte le feste comandà dove bisogna essare contenti per forsa quando invesse ghe volemo mae a tuti: essere costreti a sembrar felici per forsa xè na vioensa psicologica. E quindi chi meio dei Violenza Psicologica da Vicensa per incartare na sana dose de deghèio** e ndarla a mettere sotto l’albero del disagio e dea morte dei valori? A domanda retorica, risposta retorica: nixun meio de lori per spiegar sto momento can (i so morti, del Nadae digo). Violenza Psicologica xè uno de chei gruppi che i rapresenta na forsatura nei costumi, forse un po’ pacchiani, ma quando che i taca a sonar xè tuto un non capire più un casso come solo certi gran momenti de John Zorn o dei DNA. Cioè, Zorn e i DNA no i centra un casso, ma centra el sentimento e la sensasiòn de distacco dal senso compiuto, dall’ordine giusto dee robe e riva drito in tei denti na bòta de riff marxi e invetive da predicatore dell’assurdo, come assurdo xè molto spesso el contesto Veneto/Italiano/Mondiale. E quindi xo de tematiche dell’ovvio ma sempre giuste come la sempreverde e locustiana Pretofilia, oppure l’Inno alla frustrazione indotta dalle forze dell’ordine (qua se sfiora el crust) e critiche dolorose (?) come Schiavi Moderni (che sciafe***). Tono e voxe impostà come na Messa interminabile o n’opera teatrale a cui nixun vol più partecipare e approccio un fia da riccardoni, ma se ghe vol ben se non altro per l’estrosità e el coraio.

*el Nadae= Il Natale
**deghèio= macello, casino, rumore a caso equivalente del romagnolo sfunezzo
***sciafe= sberle, schiaffi

DIME CAN, MA NO ITALIAN #3: Lago Morto

Me piase pensare a sta rubrica come se fosse n’album de foto del liceo, coi momenti più bei e che val la pena de ricordare. Come la prima figa vista, el primo sciopo fumà a scuola, la prima gita in caserma dai caramba, robe cussì insomma. Questo xè el motivo principae per cui se parla de personaggi che i n’ha fato stare ben anche se no i gira più o comunque meno de prima: anquò parlemo dei Lago Morto, superprogetto da calsi in culo de l’eroico Nico Vascellari, che coi so With Love l’ha fatto conoxere el lato più cagnoso e àrcor del Veneto in tuto el mondo. Con una proporsion matematica se pudria dir, sempre usando personaggi famosi veneti, che Nico Vascellari stà alla musica e a quee che se ciama arti performative come Tinto Brass stà al descrivar la voia de mona: in poche paroe do mostri sacri in tei rispetivi campi. Lago Morto, come se diseva prima, xè un supargrupo e vol dir che ghe sona anche zente da altri grupi come appunto With Love (non solo Vascellari, ma anche Donadini), A Flower Collapsed (andare a ripescare lo split coi Afraid! non saria na bruta idea) e Lucertulas (andare a ripescare tuta la discografia -bomba incredibile- non saria na bruta idea); va precisà che Lago Morto più che un supergruppo xè qualcossa che va oltre tal definission: i xè una specie de instalassion artistica vivente perchè ea particolarità, oltre ai pezzi sonai in modo devastante, xè stà el tour del 2009 in giro par ogni più impensabile e malpredisposto ambiente de Vittorio Veneto (dove che vixin che sè un piccolo lago che el se ciama appunto Lago Morto, da cui el nome del gruppo). E per impensabile e malpredisposto intendo che xè sta fatti live dentro lavanderie a gettoni, al Crostino, da Peo, all’osteria da Lauro, come na sorta de Presepe Vivente Punk Arcòr valido tuto l’ano e con gran parte de Vittorio Veneto come seguito costante e integrante de tuta l’opera artistica. Vittorio Veneto al centro dei live dei Lago Morto, sempre e comunque, anche chee poche volte che el progeto xè stà portà in giro extraconfine e questo xè eo spirito giusto (quei de voialtri che xè studiai lo ciameria “aggregativo” ) che dovaria essere motore inossidabile e invicibile de ogni scena che se rispeti. Che la sia a Vittorio Veneto, a Tresigallo o a Roma. Qua soto podei vardarve i video dei live dei Lago Morto, ne val la pena.

DIME CAN, MA NO ITALIAN #2: L’amico di Martucci

A sto giro parlemo de Storia, con la S maiuscola come se fossimo drio parlar del nostro amigo che el ne rompeva sempre i marùn per andar a vedere i gruppassi punk e accaccì in giro per el triveneto e che siccome no gavevino la machina tocava andare via in coriera o in motòrin (e quando se rivava vivi iera sempre festa granda) “che tanto tornemo presto”: dopo sta frase matematicamente se dormiva sempre su na panchina in stasion (e quando se svejavino vivi la mattina dopo iera sempre festa granda). Comunque disevo, anquò su sta rubrica parlemo de Storia, sopratutto quea de la laguna venexiana, dei centri sociali veneti e della xente che girava in sti posti. Storia perchè el gruppo in question, L’Amico di Martucci, no ghe xè più.Però al tempo che fu, se parla dei primi anni domila, lori iera na roba esagerata, completamente fora de testa e come marchio uno dei nomi più bei della storia, casso, ma proprio roba che anche se no i te piaxeva no te podevi pensar male de lori con un nome cussì beo. Praticamente parte integrante dea scena punk veneta prima e italiana dopo (Marco Rapisarda xè fondatore oltre che dei Martucci anche de La Piovra e desso el xè dentro i Smart Cops) se li volemo ricordare per un gran EP omonimo fato de fero, rusne e sudore risalente al 2002 e per na miriade de split molesti con xente storica del calibro de C.S.C.H, OHUZARU (che po iera el gruppo madre dei Martucci veri) e per aver appestà posti come la Zona Bandita de Venexia e el Ya Basta de Vicenxa per dei memorabili -e sempre da grado zero del devasto- concerti ma sopratuto la Reunion del Dicembre 2009. Testi stracolmi de ignoransa filosofica, quea che se raconta in tei bar o in te un vicolo con un sciopo in man: mitico l’inno XMestreX dove se esplica la duplice natura de amore e odio verso forse el comune più bruto dea storia dopo la Delhi indiana dell’800. Il Piscio e il Vento, xè un bignami de fisica pneumatica ed idraulica ed Ezechiele xè el brano che ancora adeso tuti se ricordemo (bomba storica). Questo gera el periodo d’oro del punk e dea storia musicale veneta, quando te ndavi verso el mare te trovavi i Martucci, quando te ndavi a ovest te trovavi i Derozer e i C.S.C.H e quando te ndavi in su te trovavi i Moravagine: pensandoghe iera beo averghe tra i 14 e 16 anni in chel periodo.

LEMMARIO VENETO E FONEMI:

anquò: oggi

no ghe xè : non c’è/ci sono

la x in tee parole : da leggere come  ”sz”

la rusne: la ruggine

sciopo: letteralmente prima singolare del presente di “esplodere”, ma si usa anche per dire spinello. Lo spinello è quella sigaretta fatta su con la droga. Si pronuncia facendo sentire la “s” e la “c” distintamente, quindi non come “sci”.

DIME CAN, MA NO ITALIAN #1 – Storm{o}

Ghe xè poco da fare quando insieme all’onore supremo de essere discendente de un popolo barbaro che el gà fatto scempio delle carogne meze fighete de qualche pescadore etrusco ti ghè la sventura de esser nato montanaro: per mi che stago in campagna anche i 325 metri sul liveo del mare de Feltre i xè alta montagna. Ansi, dovunque no ghe sia la possibilità de far stare in orizzontal un Landini in folle xè montagna. Comunque el lato positivo xè che soprattutto col rifiuto del mondo civile -ragion per cui la xente che abita in montagna la xè mina tanto normal- nasse la vera cativeria, el morbo dell’infelicità che te fa vegner voia de andare ai concerti con altra xente matta de montagna, col muso pien de fero, a urlar robe a caso e finir pien de pacche a dormire sul marciapiè perchè questo se fa quando te voi sonar el scrimo e l’arcòr e questo l’è esatamente l’effetto ca fa ascoltare un disco dei Storm{o}.

Nati come na mucià de roba boscarola ma tranquila iè finì col diventare infermabili e inverì come quattro can da caccia dopo siè ore de viaio sul retro de un pickup Lada e, co l’Ep omonimo del 2007, xè rivà anca l’affetto insieme al disagio sentìo e condiviso dalla scena tutta. L’ultima roba ad essere vegnua fora xè uno split da sete polici insieme ai Icon Of Hyemes e l’è uno dei dischi mejo del 2009: la prova inconfutabile dell’ultima affermasion xè che ghè un toco storico che se ciama Inconsiderata Putrefazione (che el ghiera anca dentro l’EP del 2007 ma stavolta se sente meio perchè el disco l’è registrà ben e no dentro na malga) e sona più o meno come sonaria i Converge sotto pastiglioni bei grossi o come i primi Primus velocisà al 87,3% e con meno adenoidi. Mension d’onore per l’aver girà dal vivo insieme a la roba più bela della scena desìo-urlo-matità come Ramesses, Morkobot, Lento, A Flower Kollapsed e per essere stà sul palco de che la budela rovente dell’Ultimo AntiMTV Day. I sarà pure fermi col sonare e i avrà ancà registrà poca roba, ma ghesboro mi bisogna ca me li scolta almanco na volta all’ano, tipo sotto Nadale quando el resto del mondo tira fora el solito cofaneto marso de Sufjan Stevens.

NOTA DEL CURATORE: Nel suo continuo impegno sul campo alla ricerca delle radici cristiane del nostro popolo, bastonate.wordpress.com arruola un nuovo autore tra le fila. si fa chiamare tutancamion, lo trovate (spoiler) in giro per altri posti a nome Alex Grotto e l’ho convinto a parlarci nella sua lingua natale di cose che succedono in posti in cui la lingua natale è la sua. La rubrica si chiama DIME CAN MA NO ITALIAN perchè l’avevo visto scritto una volta su un muro in un paesello nel padovano. (kekko)